Joieux de cuer en seumellant esotye
Solage
Joieux de cuer en seumellant estoye
Quant je sentoie vostre tres soulce alayne
Et vo gent corps, ma dame soveraine,
Qu'entre mes bras si doucement tenoye.
Je croy qu'onques creature humaine
N'eut tel bien, certes, comme j'avoye,
Car, sanz dolour, et sanz pensee vaine
Mon cuer estoyt rempli de toute joye.
Et a bon droit, quar, quant a vous pensoye,
Tres playsant flour, doulce rose mondayne,
Garde d'amours qui cuer trait et maine,
Autre plaisir au monde ne vouloie.
Joieux de cuer en seumellant estoye
Quant je sentoie vostre tres soulce alayne
Et vo gent corps, ma dame soveraine,
Qu'entre mes bras si doucement tenoye.
Retour