Quant voi le douz tans/En Mai/[Immo]Latus
anonyme
Quant voi le douz tans venir,
La flor en la pree,
La rose espanir,
Adonc pens, plour, et sospir;
Tant ai joie ameer,
Dont ne puis joir.
Mir
Ma joie sans repentir,
Tir
A ce que ne puis sentir,
N'assentir
Ne me puis por nul avoir
Au departir.
Je voi ce que je desir,
Si n'en puis joie avoir.
En Mai quant rose est florie,
Par matin s'est esveillie
Marot, s'a Robin trové,
A lui reprové
La bone compaignie
Qu'adés li a porté;
Q'or li a le doz torné.
Il li a dit et juré
Par la foi
Qu'il lui doit,
Qu'einsi n'iert il mie:
"Se j'ai demoré
A veoir m'amie,
N'est pas a mon gré".
Retour